«Koka-kola» şirkətinin 1886-cı ildən bu yana qoruduğu sirri açılıb. Bu barədə Türkiyədə fəaliyyət göstərən Müqəddəs Nikolay Fondunun Dünya Şurasının rəhbəri Muammer Karabulut bildirib. Ötən ilin sentyabr ayında o, istehsalçı şirkəti məhkəməyə verərək buraxdığı sərinləşdirici içkinin tərkibini açıqlamağı tələb edib. «Biz dünya üzrə ən gizli saxlanan peşə sirrini öyrənə bildik. «Koka-kola»nın düsturunu Antaliyada istehlakçı hüquqları ilə bağlı keçirilən məhkəmədə şirkətin vəkilləri təqdim etdilər»,- deyə Karabulut bildirib.
Atlantalı əczaçı Con Pembertonun sirli resepti aşağıdakı kimidir: şəkər (%10.58 W/V), fosfor turşusu (0.544 G/L), kofein (150 MG/L), karamel (%0.11), karbon qazı (7.5 G/l) və "koka-kola" ekstraktı (%0.015 W/V).
Aparılan araşdırmalardan bəlli olub ki, bu ekstrakt təbii «karmin» boyası və ya «koşenil» ərzaq əlavəsidir. «Koşenil» əlavəsi qırmızı boya böcəyindən əldə edilir. Yeyinti sənayesində onu karmin turşusu da adlandırırlar və E-120 beynəlxalq indeksi ilə tanınıR